මයුරපාද මැදි විදුහලින් පෑයූ රන් තාරුකා

නව පරපුරේ ප්‍රවීණ සංගීතඥ, විශාරද Darshana Wickramatunga යන්ගේ අපූරු ස්වර රචනයෙන් වර්ණිත ගීත යුගලයක් පසුගිය දා YouTube චැනලය වෙත මුදා හැර තිබිණි. නිර්මාණ යුගලයේම සංගීතය බොහෝ ගායක ගායිකාවන්ගේ ජනප්‍රිය ගීත සඳහා ගී තනු නිර්මාණය කොට ඇති Darshana Wickramatunga සොයුරාගේ වීමත්, ගීත ගායනයේ යෙදෙන යෞවණියන් දෙදෙනා අතරත් බොහෝ සමානකම් සම්බන්ධකම් තිබෙන නිසාත්, එකී මිහිරි ගීත යුගලය ගැන මට දැනෙන හැඟෙන දේ පොදුවේ ලියන්නට සිතුණි.

මින් පළමු ගීතය වන "මේ තරම් දැණුනේ ME THARAM DANUNE" නම් ගීතය ගායනා කරන්නේ Derana Dream Star Season 6 තරඟයෙදී අනු ශූරතාවය දිනාගත් Yashodha Priyadarshani Wijesinghe වන අතර දෙවන ගීතය වන "බිඳී විසිරුණු BINDEE WISIRUNU" නම් ගීතය ගායනා කරන්නේ Derana Dream Star Season 9 තරඟයෙදී අනු ශූරතාවය දිනා ගත් Nuwandhika Senarathne යන යොවුන් ගායන ශිල්පිනියන් දෙදෙනායි. ඔවුන් දෙදෙනාම නාරම්මල මයුරපාද මධ්‍ය මහා විද්වි‍යාලයෙන් පහළ වූ තාරුකා දෙකකි. ජන ගී ආරත්, රාගධාරී සංගීතය, උත්තර භාරතීය සංගීතය හා බටහිර සංගීතයත් හදාරා ඇති මේ යෞවණියන්ගේ අපූරු හඬ පරාසය හා හඬ පෞරුෂය එකී තරඟාවලි දෙකෙහිදී අපි අත් වින්දෙමු.

මේ නව නිර්මාණ යුග්මය, අනූපම වූ කාව්‍යමය ගුණයෙන් හා සරල සුගායනීය ගී පද වලින් සුපුෂ්පිතය. එහි පබැඳුම් කර ඇත්තේ සුභාවිත ගී රැසක නිමැවුම් ශිල්පියකු වන නව පරපුරේ ගේය පද රචක Sugath Somaweera යන් හා ගේය පද රචිකා Lakmali Karunanayake ය. හිමි වූවද අහිමි වූවද සැබෑ ආදරය ජීවිතයේ පතුලට කිඳා බසී. එකී ආදරයට විලාසිතාමය අර්ථකථනයක් වෙනුවට සහෘදයාත්මක වින්දනීය අර්ථකථන දෙන ගේය පද රචනා මෙන්ම ස්වර රචනයත් හැඟීම් ගායනාත් රසිකයා මන්මත් කරණු ඇති.

ගමටත් උසස් අධ්‍යාපනය හා ඉංග්‍රීසි අධ්‍යාපනය නම් C. W. W. Kannangara මැතිතුමාගේ සංකල්පය යටතේ 40 දශකයේදී දිවයින පුරාවට මාධ්‍ය මහා විද්‍යාල 52 ක් ප්‍රතිස්ථාපනය කරන ලදි. මතුගම මධ්‍ය මහා විද්‍යාලය එහි ප්‍රථම නිර්මාණය විය. දෙවැන්න 1941 පෙබරවාරි 3 වන දින පිහිටුවන ලද මා උගත් ඉබ්බාගමුව මධ්‍ය මහා විද්‍යාලයයි. ඉන් වසර තුනකට පසුව නාරම්මල මයුරපාද මාධ්‍ය මහා විද්‍යාලය ආරම්භ විය. අතීතය පුරාවටත්, අප පාසැල් සමයේදීත්, අදත් මේ විද්‍යාල දෙක සහෝදරත්වයෙන් බැඳුණු මිත්‍ර පාසැල් විය. එදා ක්‍රීඩා තරඟ වලින් අප ඉදිරියෙන් සිටියද සාහිත්‍ය තරඟ වලින් ජය ලැබුවේ මයුරපාදයයි. අද ද එය එසේම ය. ඊට හොඳම නිදර්ශන Yashoda Priyadharshani හා Nuwandhika Senaratne නම් යෞවණියන්ගේ අපූරු ගායන හා ප්‍රාසාංගික හැකියාවන් ය. මේ වටිනා ගීත යුග්මය නිර්මාණ කළ කලාකරුවන්ට අපේ ප්‍රණාමය හිමි විය යුතු වේ.

පහත Link වලින් දයාබර ඔබට මේ ගී රසවිඳිය හැක.

සැමට ජය!

Don Susil Premaratne, Ottawa ON, Canada.

Autumn Colors

Don Susil Photography - Autumn Colors - Canada

Printed on the Lustre Photo Paper [Arctic Polar Satin]

Enjoy!

ළා සඳ මඬල - ගීත විචාරය

 ළා සඳ මඬල ගීතය මට දැනෙන හැටි.......

මනෝරි කෞෂි දිසානායක පද රචනය කොට ඇති මේ මිහිරි ගීතය සවනත මිහිරියාවෙන් පිරී ගිය දා සිට දැනෙන හැඟෙන දේ ලිවීමට සිතූවද දහසක් රාජකාරි මැද එය අතපසු වුණි. රසික හදවත් තුළ සංවේදී ප්‍රේමනීය වින්දනයක් ජනිත කරවන්නා වූ මේ නිර්මාණය මනෝරි කෞෂි දිසානායක නම් ප්‍රතිභාසම්පන්න කිවිඳියගේ ගේය පද වලින් වර්ණිතය. සුපුෂ්පිතය. ද ඇසෙන බොහෝ අරුත් සුන් බොහෝ ගීත අතරේ මෙවැනි අගනා නිර්මාණයක් රසවිඳීමෙන් ලැබෙන්නේ තෘප්තියටත් වඩා මානසික සුවයකි.

පවතින සමාජ, ආර්ථික හා පාරිභෝගික සංස්කෘතියෙහි ගිලී පිඩාවිඳින අහිංසක ප්‍රේමවන්තයින්ගේ, අඹු සැමියන්ගේ කෙටි කාලීනව, දීර්ඝකාලීනව හෝ සදාකාලිකව දුරස්වීම් හේතුවෙන් වියෝ දුක උසුලනා ස්ත්‍රීන් අද සමාජයේ බහුල වේ. එවන් අහිංසකාවියකගේ වැලපුම ප්‍රේමයේ මෙන්ම විරහවේ ද චමත්කාරය රමණීය බව හා ප්‍රේමාලාපයෝ රචිකාව සම කරන්නේ යසොධාරාවගේ වැලපුමටයි. සඳැස් කාව්‍යය නිර්මාණකරණයේ හසළ නිපුණතාවයක් ඇති ඈ මෙහිදී උපයෝගී කොට ගන්නේ යසෝධරා වතේ කාව්‍ය ආකෘතියයි. රිද්මයයි. එහි එන ශෝකී රසයයි.

කාරණාව බුදු වෙනවා ලකුණු දැනේ

නෑර කැටුව ආවා මම සරණ ගෙනේ

භාවනාව තොර නොකරමි සිතින් අනේ

මාළිගාව අද අඳුරුයි ස්‌වාමිනේ

සුවඳ බොජුන් වැළඳු මගෙ හිමි සඳට

නිබඳ බොජුන් රස කර දුන් වළඳන්ට

සුවඳ පලාපල වැවියන් හිමියන්ට

සුවඳ මල් නිතර පිපියන් රන්කඳට

යසෝධරාවතේ කාව්‍ය ආකෘතිය හා රිද්මය උපයෝගී කොට ගත්ත ද ඇගේ පද රචනය ඈටම අනන්‍ය වූ පරාසයක රඳවාගෙන කර ඇති ගී පද රචනය අනර්ඝයි. ඇගේ රචනයේ ආරම්භක පද පෙළ රසිකයා ප්‍රේම රසයෙන් මන්මත් කර මේ ගීතය වෙත අද බැඳ තබා ගන්නා අතර ගීතය පුරාවට ප්‍රේම වියෝවේ ශෝකී රස භාවයන් දනවා රසිකයා සසල කර අවසාන පද පෙළින් වඩාත් සසල කරණු ඇති.

දර්ශන වික්‍රමතුංග නම් වූ අග්‍රගන්‍ය සංගීතඥයාගේ සංගීත ප්‍රතිරචනය ප්‍රසංශනීයයි. පද රචනයේ ප්‍රකාශණය නැවතූ තැන් සිට ඉදිරියට ශෝකී ප්‍රේමනීය රස භාවයන් ඉස්මතු කරගැනීමට මං සලසනවා. සුරම්‍ය නාද රටා මේ ගීතය පුරාවට සුවඳ දනවනවා. නින්නාද දෙනවා.

ගායනවේදය කලාවක් මෙන්ම විද්‍යාවක්ද වෙයි. ගායනයෙන් තොර ගීතයක් නැත. පද රචකයාගේත් සංගීතඥයාගේත් අභිප්‍රායයන් මත කෙරෙන ගායනය එහි අතිශය දියුණු තියුණු ඉසව් කරා ගමන් කරවන ශානිකා සුමනසේකර නම් ඇගේ මධුර කටහඬ හා භාවපූර්ණ ගායන ලීලය නිසාම ශ්‍රාවකයා ඇගේ පෙර ගීත කෙරෙහි ආසක්ත වූවා සේම මේ නිර්මාණය ද යළි යළි ආස්වාදයෙන් රස විඳිනු ඇත. ඇගේ බොහෝ නිර්මානවල මෙන්ම මේ ගායනයද ප්‍රභලව රසභාව දනවයි.

සුබාවිත ගීත කලාවට අනඟි මෙහෙවරක් කරන කලාකරුවන් තිදෙනෙක් එක්ව නිර්මාණය කර ඇති මේ සුන්දර ගීතයේ මිහිර අදත් හෙටත් හැමදාමත් ශ්‍රාවකයා අත් විඳිනු ඇත.

Don Susil Premaratne

Ottawa ON, Canada

Today's Morning

Through the Living Room Window

- හත්දින්න තරු - Pleiades -

කිසිදාක හිතුවෙ නෑ

වියැළි ගිය හද කෙතට

හත්දින්න තරු මඬල

පායාවි යැයි කියා

අහඹුවක මඟ දුටුව

නෑඹුලේ ළඟ පිපුණු

පුංචි නිල් තරු මලකි

ජීවිතේ සුවඳ එය

- Don Susil Premaratne

Ottawa ON, Canada